من هو المسيح؟- الراعي

الرب يسوع قال علي نفسه انه “راعي صالح” في يوحنا 10: 11 .بصراحه فكره راعي و خراف و كده.. لا تمث لي بصله في حياتي العمليه. فدورت اكثر عشان افهم ربنا قصده ايه.
اول حاجه بتيجي في بالي عن فكره ان يسوع راعي هو مثل الراعي في لوقا 15: 4 اللي قال فيها
“اي انسانٍ منكم لهُ مئَة خروف واضاع واحدًا منها أَلا يترك التسعة والتسعين في البرّيَّة ويذهب لاجل الضالّ حتى يجدهُ” يعني الرب مش مستعد يفرط في خروف واحد.. حتي اللي تايه مهم اوي عنده.
كمان في يوحنا:10 3-4 بيقول ان الراعي الصالح بيرشد خرافه.. يعني بيهتم اني اكون كويس لدرجه بيمسكني كويس اوي و بيحمي مشواري معاه.. زي ما قال “ولا يخطفها احد من يدي”. حتي لو بعدت هو علطول بيدور عليا.
في اللحظة دي فهمت ان كلمه راعي مش معناها انه بيدور علي خرفان تمشي وراه و تقول حاضر و نعم و تسمع الكلام.. بالعكس راعي يعني هو اللي بياخد باله مني مش مستني واحد يعبده. فهمت اكتر انه عاوزني ابقي معاه في علاقةهو بيرشدني و يساعدني و يفتح لي ابواب اقرب منه اكتر من غير ما اخاف. في يوحنا 10: 3 بيقول “لهذا يفتح الباب و الخراف تسمع صوته فيدعوا خرافه الخاصة باسماء و يخرجها” يعني بكل سهوله كده يا رب تسمحلي اقرب ليك و اعرفك؟ و كمان مهتم بيا اوي انك ترشدني؟.. ده جانب من المسيح مكنتش اعرفه حقيقي.. طب يمكن حد يقولي ربنا يرشدك ايه بس .. ده كلام للقديسين مش لينا.. او ايه اللي ياكدلك انه صوته مش انت بتهيالك؟.. لقيت الاجابة في متي 4..”و الخراف تتبعه لانها تعرف صوته”.. يعني ببساطه لاني اختارته يكون الراعي لحياتي يبقي اكيد ها يرشدني يبقي اكيد هيرشدني لان ده وعده و هو ها يعمل كل المجهود لان الخراف مش محتاجة تثبت نفسها أو تحاول تلفت انتباه الراعي هو بس الراعي ينادي عليها و الخراف تسمع صوته. بصراحه.. كنت محتاج اعرف ده عنه.. كتير بيبقي في قرارت مصيرية في حياتنا زي اختيار مجال دراستك في الجامعة او الارتباط او سفر ..كل ده طمني اني لو طلبت و صدقت انه يكون راعي لحياتي اكيد ها اكون في الأمان و ارشاده اكيد هيجيلي بدون شك.
هو قاللي مش محتاج تقلق من حاجة بس بمجرد ما سمع صوتي هتعرف تمشي ازاي